ଶିବସେନାର ସତର୍କତା ପଦକ୍ଷେପ
ଶିବସେନାର ସତର୍କତା ପଦକ୍ଷେପ
admin
6424
ବିଧାୟକଙ୍କୁ ୩ ଦିନ ପାଇଁ "ମାତୋଶ୍ରୀ' ଡକାଗଲା, ପୋଷାକ, ଆଧାର କାର୍ଡ ସହ ଆସିବାକୁ କୁହାଗଲା
ମୁମ୍ବାଇ : ଆଜି ଏନ୍ସିପି ସୁପ୍ରିମୋ ଶରଦ ପାୱାର ଶିବସେନା ନେତାଙ୍କୁ ସାଂଗରେ ନନେଇ ଏକା ପ୍ରଧାନମନ୍ତ୍ରୀଙ୍କୁ ଭେଟିବା ପରେ ଶିବସେନା ଛାନିଆ ହୋଇପଡ଼ଛି । ଶିବସେନା ସୁପ୍ରିମୋ ଉଦ୍ଧବ ଠାକରେଙ୍କ ଦଳର ସମସ୍ତ ୫୬ ବିଧାୟକଙ୍କୁ ନିଜ ବାସଭବନ "ମାତ୍ରୋଶ୍ରୀ'କୁ ୨/୩ ଦିନ ପାଇଁ ଡକାଇଛନ୍ତି । ବିଧାୟକମାନେ ସେମାନଙ୍କ ଆଧାର କାର୍ଡ ଏବଂ ଅତ୍ୟାବଶ୍ୟକ ସାମଗ୍ରୀ ସହ ଆସିବାକୁ କୁହାଯାଇଛି । ବିଧାୟକମାନେ ୨୨ ତାରିଖ ଦିନ ପହଞ୍ଚିବା ପାଇଁ ଏବଂ ସେଠାରେ ସେମାନେ ୨୪ ତାରିଖ ରାତି ପର୍ଯ୍ୟନ୍ତ ରହିବା ଯୋଜନା ହୋଇଛି । ମହାରାଷ୍ଟ୍ରରେ ସରକାର ଗଠନ ନେଇ ସ୍ଥିତି ଅସ୍ପଷ୍ଟ ରହିଥିବା ବେଳେ ଶେଷ ମୁହୂର୍ତ୍ତରେ କିଛି ବି ଘଟିପାରେ ବୋଲି ଆଶଙ୍କା କରି ଶିବସେନା ଏଭଳି ପଦକ୍ଷେପ ନେଇଛି । ସରକାର ଗଠନ ପାଇଁ କଂଗ୍ରେସର ସମର୍ଥନ ସତ୍ତ୍ୱେ ଶିବସେନା ନିଜ ବିଧାୟକଙ୍କ ମଧ୍ୟରେ ବିଭାଜନ ଆଶଙ୍କା କରୁଛି । ଶରଦ ପାୱାର ପ୍ରଧାନମନ୍ତ୍ରୀଙ୍କ ସହ ଆଲୋଚନା କରିଥିବାରୁ କେତେବେଳେ କିଛି ବି ନିଷ୍ପତ୍ତି ନେଇପାରନ୍ତି ବୋଲି ଶିବସେନା ଆଶଙ୍କା କରୁଛି । କଂଗ୍ରେସ ସହ ମେଣ୍ଟ ନେଇ ଶିବସେନାର ବିଧାୟକଙ୍କ ମଧ୍ୟରେ ଅସନ୍ତୋଷ ବଢ଼ୁଥିବାରୁ ସେନା ସୁପ୍ରିମୋ ଏବେ ଏହାକୁ ରୋକିବା ପାଇଁ ଏଭଳି ସତର୍କତା ପଦକ୍ଷେପ ନେଇଛନ୍ତି ।
