ବିଜେପି ଶରଣରେ ବିଜେଡି ସରକାର: ନିରଞ୍ଜନ

Dec 7, 2019 - 09:37 Updated: Dec 7, 2019 - 09:37

6242

ଭୁବନେଶ୍ୱର: ବିଜେପି ଶରଣରେ ଏବେ ବିଜେଡି ସରକାର । ଏଭଳି କଟାକ୍ଷ କରିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ରାଜ୍ୟ ସରକାର କାଳିଆ ଯୋଜନା ଓ କେନ୍ଦ୍ର ସରକାରଙ୍କ ପିଏମ କିଷାନ ଯୋଜନା ମିଶିଯିବା ପ୍ରସଙ୍ଗରେ ଶ୍ରୀ ପଟ୍ଟନାୟକ ଏଭଳି କଟାକ୍ଷ କରିଛନ୍ତି । ଏହି ଅବସରରେ ଶ୍ରୀ ପଟ୍ଟନାୟକ କହିଛନ୍ତି ଯେ, ନିର୍ବାଚନକୁ ଆଖି ଆଗରେ ରଖି ରାଜ୍ୟ ସରକାର କାଳିଆ ଓ ବିଜୁ ସ୍ୱାସ୍ଥ୍ୟ କଲ୍ୟାଣ ଭଳି ଯୋଜନା କରିଥିଲେ । ଏବେ ସେହି ଯୋଜନାଗୁଡ଼ିକ ପାଇଁ ଟଙ୍କା ନାହିଁ । ଅର୍ଥ ଅଭାବରୁ ରାଜ୍ୟ ସରକାର ଏବେ ବିଜେପି ସରକାରଙ୍କ ଶରଣ ପଶିଛନ୍ତି । ପୂର୍ବରୁ ରାଜନୀତିରେ ସାଲିଶ କରି ମିଶିଥିଲେ । ଆଉ ଏବେ ରାଜ୍ୟ ସରକାର ଯୋଜନାରେ ଶରଣ ନେଇଛନ୍ତି । ଉଭୟ ବିଜେପି ଓ ବିଜେଡି ପ୍ରତିଶ୍ରୁତିର ସରକାର ବୋଲି ନିରଞ୍ଜନ ପଟ୍ଟନାୟକ କହିଛନ୍ତି ।