ତାମିଲନାଡୁ ପାଇବ ଅଧିକ କରୋନା ଟିକା, ଜାଣନ୍ତୁ କାରଣ
ତାମିଲନାଡୁ ପାଇବ ଅଧିକ କରୋନା ଟିକା, ଜାଣନ୍ତୁ କାରଣ
admin
2961
କୋଭିଡ ବିରୋଧରେ ଗଣ ଟିକାକରଣ ପାଇଁ ଭାରତ ପ୍ରସ୍ତୁତ ହେଉଛି । ଟିକାକରଣ ପାଇଁ କେନ୍ଦ୍ର ସରକାର ଗାଇଡଲାଇନ ଜାରି କରିଛନ୍ତି । ଥରେ ସ୍ୱୀକୃତୀ ମିଳିଗଲେ ଗଣ ଟିକାକରଣ ଆରମ୍ଭ ହୋଇଯିବ । ତେବେ ଯେଉଁ ସବୁ ରାଜ୍ୟରେ ୫୦ ବର୍ଷରୁ ଅଧିକ ବୟସର ଲୋକ ଅଧିକ ଅଛନ୍ତି ଏବଂ ଡାଇବେଟିସ, ଉଚ୍ଚ ରକ୍ତଚାପ ଓ ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟାର ସମ୍ମୁଖୀନ ହୋଇଥିବା ଲୋକ ଅଧିକ ଅଛନ୍ତି ସେହି ସବୁ ରାଜ୍ୟକୁ ଅଧିକ ଟିକା ଡୋଜ ମିଳିବ । ଏଣୁ ଏହି କାରଣ ପାଇଁ ବିହାର ମଧ୍ୟପ୍ରଦେଶ ଏବଂ ରାଜସ୍ଥାନ ତୁଳନାରେ ତାମିଲନାଡୁରେ କମ୍ ଜନସଂଖ୍ୟା ଥିଲେ ମଧ୍ୟ ତାମିଲନାଡୁକୁ ଅଧିକ ଟିକା ଡୋଜ ମିଳିବ । ବିହାରର ଜନସଂଖ୍ୟା ୧୨.୩ କୋଟି । ଅନ୍ୟ ପକ୍ଷରେ ତାମିଲନାଡୁରେ ଜନସଂଖ୍ୟା ୭.୬ କୋଟି । ତାମିଲନାଡୁ ତୁଳନାରେ ବିହାରେ ଜନସଂଖ୍ୟା ୬୦ ପ୍ରତିଶତ ଅଧିକ । କିନ୍ତୁ ବିହାରରେ ମାତ୍ର ୧.୮ କୋଟି ଲୋକଙ୍କ ବୟସ ୫୦ କିମ୍ବା ୫୦ ରୁ ଅଧିକ । ଅନ୍ୟ ପକ୍ଷେ ତାମିଲନାଡୁରେ ୫୦ ବର୍ଷରୁ ଅଧିକ ବୟସ୍କଙ୍କ ସଂଖ୍ୟା ୨ କୋଟି । ଅଧିକାଂଶ ଯୁବ ଜନସଂଖ୍ୟା ଥିବା ବିହାରରେ ଲୋକମାନଙ୍କର ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟା ମଧ୍ୟ କମ । ଏହି କାରଣରୁ ବିହାର ତୁଳନାରେ ତାମିଲନାଡୁକଚୁ ଅଧିକ ଟିକା ଡୋଜ ମିଳିବ ।
