କାର୍ତ୍ତିକ ପୂର୍ଣ୍ଣିମା: ଡଙ୍ଗା ଭସାଇବା ଉପରେ କଟକଣା
କାର୍ତ୍ତିକ ପୂର୍ଣ୍ଣିମା: ଡଙ୍ଗା ଭସାଇବା ଉପରେ କଟକଣା
admin
5642
ଭୁବନେଶ୍ୱର: ଆସନ୍ତା ୩୦ ତାରିଖ କାର୍ତ୍ତିକ ପୂର୍ଣ୍ଣିମାରେ ରାଜ୍ୟର କୌଣସିି ସ୍ଥାନରେ ଡଙ୍ଗା ଭସା ହୋଇପାରିବ ନାହିଁ । ନଦୀ, ପୋଖରୀ ପାଖରେ କେହି ଭିଡ଼ ଜମାଇପାରିବେ ନାହିଁ । କାର୍ତ୍ତିକ ପୂର୍ଣ୍ଣିମା ଓ ବଡ଼ ଓଷା ସଂକ୍ରାନ୍ତୀୟ କୌଣସି ପ୍ରକାର ସମାବେଶ ଓ କାର୍ୟ୍ୟକ୍ରମ ହେବ ନାହିଁ । କରୋନା ସତର୍କତା ସ୍ୱରୂପ ରାଜ୍ୟ ସରକାର ଏହି କଟକଣା ଜାରି କରିଛନ୍ତି । ସ୍ୱତନ୍ତ୍ର ରିଲିଫ କମିଶନରଙ୍କ କାର୍ୟ୍ୟାଳୟ ପକ୍ଷରୁ ଏ ସମ୍ପର୍କିତ ବିଜ୍ଞପ୍ତି ଜାରି ହୋଇଛି । ସରକାରଙ୍କ ପକ୍ଷରୁ କୁହାଯାଇଛି ଯେ ଅଧିକ ଲୋକ ଏକାଠି ହେଲେ କରୋନା ସଂକ୍ରମଣ ବ୍ୟାପିବାର ଆଶଙ୍କା ରହିଛି । ତେଣୁ ଲୋକଙ୍କ ସ୍ୱାର୍ଥ ପାଇଁ କାର୍ତ୍ତିକ ପୂର୍ଣ୍ଣିମାରେ ଏପରି କଟକଣା ଜାରି କରାଯାଇଛି । ସେହିପରି ରାଜ୍ୟର କୌଣସି ସ୍ଥାନରେ କାର୍ତ୍ତିକ ପୂର୍ଣ୍ଣିମାଠାରୁ ବାଲିଯାତ୍ରା ଆୟୋଜନ କରାଯାଇପାରିବ ନାହିଁ । ଏହି କଟକଣାକୁ ନ ମାନିଲେ ବିପର୍ୟ୍ୟୟ ପରିଚାଳନା ଆଇନ ଅନୁଯାୟୀ କାର୍ୟ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦିଆଯାଇଛି ।
